მაშინ, როდესაც საქართველოში შუქი, გაზი, დენი, წყალი და საჭმელიც ფუფუნების საგნად იქცა და ქვეყნის მოსახლეობა მთლიანად “დიდ დეპრესიაში” იყო ბესო ლეკიაშვილმა, ფეხზე მიღებული ტრავმისა და რამდენიმე თვიანი გაუნძრევლად წოლის შემდეგ გადაწყვიტა, რომ რეაბილიტაციას ბოლომდე გაივლიდა და სპორტშიც დაბრუნდებოდა. ჭიდაობას ვეღარ შეძლებდა,ამიტომ მკლავჭიდით დაინტერესდა და საკუთარი ხელით გაკეთებული სავარჯიშოებით დაიწო მზადება. ვარჯიშის და მონდომების შედეგად ბესომ პირველივე წელს მიაღწია წარმატებას და მსოფლიოს ჩემპიონი გახდა. დღეს ბესო ყველაზე ხანდაზმული პარასპორტსმენია და სხვა შეზღუდული შესაძლებლობების მქონე პირებს ეხმარება სპორტში თავის დამკვიდრებაში. ბესო ლეკიაშვილი მსოფლიოსა და ევროპის მრავალგზის ჩემპიონია და ახლა, კიდევ ერთი მსოფლიო ჩემპიონატისთვის ემზადება.

დათო ქობალია იმ ქართველ პარასპორტსმენებს შორისაა, ვინც ბრაზილიიის 2016 წლის პარაოლიმპიადისთვის ემზადება და ლიცენზიას ელოდება. დათო სამედიცინო უნივერსიტეტის სტუდენტია და მომავალი კარდიოქირურგია, მაგრამ მედიცინის პარალელურად სპორტს დიდი დროს უთმობს და ცდილობს სხვა შშმ პირებსაც გაუღვივოს სურვილი აქტიურად ცხოვრების და სპორტით დაკავების.

თემო გოცაძე პირველი იყო ქართულ ტელესივრცეში ვინც ეტლით სცენაზე იცეკვა. წლების წინ ავტოსაგზაო შემთხვევის შემდეგ ცეკვა ის საქმე აღმოჩნდა, რომელთან მიბრუნებაც თემოსთვის ყველაზე ადვილი და თან სასიამოვნო იყო. პარამოცეკვავე მსოფლიო ტურნირისთვის ემზადება და ამისთვის რეპეტიციების პარალელურად ფიზიკურადაც ვარჯიშობს. თემოს უნდა თავის ქვეყანაში მიღწეულ წარმატებას საერთაშორისო ასპარზზე აღებული მედლებიც დაუმატოს.

ნიკოლოზ თვაური საქართველოში პირველი პარამოცურავეა. ტრავმის შემდეგ ცურვა იყო ის გზა, რომელიც მან სახლში ყოფნას არჩია. ნიკა დედასთან ერთად ცხოვრობს და ყოველდღე 8 საათს ვარჯიშობს იმისთვის, რომ ბრაზილიის პარაოლიმპიადისთვის ლიცენზია აიღოს და 2016 წლის პარაოლიმპიურ თამაშებში მიიღოს მონაწილეობა. ნიკა 16 წლის იყო, როდესაც ხელში ყუმბარა აუფეთქდა. ინციდენტის შემდეგ მას 300 ნაკერი და 10-მდე ოპერაცია დასჭირდა. 90-ინების ბოლოს, 2000-იანი წლების დასაწყისში მხედველობა დაქვეითებული ადამიანისთვის ცურვის დაწყება წარმოდუგენელი იყო. ნიკას მწვრთნელს, ჰენრი კუპრაშვილს ხელწერილი დააწერინეს იმ შემთხვევისთვის, თუ მომავალ სპორტსმენს რამე დაემართებოდა. მიუხედავად სირთულეებისა, ნიკამ არმხოლოდ ცურვა ისწვალა, არამედ პარაოლმპიადაზეც მიიღო მონაწილეობა. ნიკა ახლა 33 წლისაა და თავის სამომოვლო გეგმებს მხოლოდ ცურვას და პარასპორტს უკავშირებს.