იტვირთება.....

მძიმე ჰაერი

ყოველწლიურად მსოფლიოში 7 მილიონი ადამიანის ნაადრევ სიკვდილს დაბინძურებული ჰაერი იწვევს.

საღამოობით თბილისს თხელი ნისლი ეფინება. ეს ტრანსპორტის გამონაბოლქვია, რომლის წილი დედაქალაქის ჰაერის დაბინძურებაში 95%-ა.

ჰაერის დაბინძურება იწვევს სიმსივნეს.

თუმცა, ვიდრე არ არსებობს კვლევა, მეცნიერები გახშირებული დაავადებების ჰაერის დაბინძურებასთან კავშირზე, საქართველოში მხოლოდ ვარაუდობენ.

საქართველოში მილიონამდე ავტომობილია რეგისტრირებული. აქედან 900 ათასამდე მანქანა ათზე მეტი წლისაა.

2004 წლიდან მანქანები ტექნიკურად აღარ მოწმდება. ტექნიკური დათვალიერების შემოღება 2017 წლის ბოლოსაა დაგეგმილი.

ჩვენ ვირჩევთ მეგობრებს, პროფესიას, საკვებს, ტანსაცმელს, სახლს, სადაც ვიცხოვრებთ. მაგრამ ვსუნთქავთ ჰაერს, რომელსაც სუნთქავს ქალაქი.

EN

თქვენ ახლა ჰაერის შემადგენლობას ხედავთ. ადამიანების ჩარევით ჰაერში ნივთიერებების რაოდენობა მუდმივად იცვლება. შეუიარაღებელი თვალით, მხოლოდ მტვრის ნაწილაკების გარჩევაა შესაძლებელი და სხვა, სიცოცხლისთვის განსაკუთრებით სახიფათო ნივთიერებები უხილავია.

< თბილისი >

რა აბინძურებს ჰაერს?

სხვა?

შედეგი

საქართველოში ბენზოლის დასაშვები ნორმა სამჯერ, ნახშირწყალბადის ერთნახევარჯერ, გოგირდის ნორმა კი თხუთმეტჯერ აღემატება ევროპულ სტანდარტს

0.005

0.3

3

0.01

0.0005

0.12

0.125

0.025

SO2

NO2

CO

PM

შედეგად

სასუნთქი სისტემების ავადმყოფობების რაოდენობა 2001 წლის შემდეგ 4-ჯერ გაიზარდა.

სისხლისა და სისხლმაბდი ორგანოების ავადმყოფობების რიცხვმა 2-ჯერ იმატა.

სისხლის მიმოქცევის სისტემის ავადმყოფობის მაჩვენებელი 3.5-ჯერ გაიზარდა.

თვალისა და მისი დანამატების ავადმყოფობების მაჩვენებლი დღეის მდგომარეობით 3-ჯერ აღემატება 2006 წლის მონაცემებს.

რაც შეეხება ნერვული სისტემისა და გრძნობათა ორგანოების დაავადებებს, ბოლო წლების მონაცემი არ ფიქსირდება. თუმცა, 2001-2005 წლებში რაოდენობა 1.5-ჯერ გაიზარდა.

ჩვენ შეგვიძლია შევცვალოთ ჩვენი გარემო!
როგორ?

ტრანსპორტი:

  • თუკი მანქანას მართავთ, იარეთ 2.0 ატმოსფერულ წნევაზე დაბერილი საბურავებით.
  • ნუ გაჩერდებით დაქოქილი მანქანით 1 წუთზე მეტ ხანს.
  • ვიდრე სახელმწიფო დაგავალდებულებთ, თავად შეამოწმეთ, ტექნიკურად გამართულია თუ არა თქვენი მანქანა.
  • თუკი მანქანა მხოლოდ ქალაქში სამოძრაოდ გჭირდებათ, ჭკვიანურად აირჩიეთ მოდელი - ჩაანაცვლეთ დიდძრავიანი ჯიპებს, ეკონომიური ქალაქის მანქანებით. მათ გაცილებით ნაკლები საწვავი და პარკირების ადგილი ესაჭიროებათ!
  • გახსოვდეთ, ჯანსაღი გარემოსთვის საზოგადოებრივ ტრანსპორტს, ფეხით სიარულს და ველოსიპედს ალტერნატივა არა აქვს!

ხეები:

  • თუკი შენობის ირგვლივ ხეები სწორადაა დარგული, საცხოვრებელი სივრცე ბუნებრივად გრილდება და 30%-თ შეგიმცირდებათ ჰაერის კონდინცირების ხარჯი.
  • ახალგაზრდა, ჯანმრთელი ხე ზუსტად იმდენ ჰაერს გამოჰყოფს, რამდენსაც ათი ჰაერის კონდინციონერი, რომელიც დღეში ოცამდე საათს მუშაობს.
  • 1 დღეში 1 დიდ ხეს შეუძლია ხმელეთიდან შეიწოვოს 380-ამდე ლიტრი წყალი და გარდაქმნას ის ჟანგბადად.
  • ხეები ამცირებს ხმაურს, მისი ჩრდილი კი იცავს ასფალტს მზის დაზიარებისაგან.
  • ხეები აუმჯობესებს წყლის ხარისხსაც.
  • შემოდგომაზე ადამიანები ჩამოცვენილ ფოთლებს აგროვებენ და წვავენ. ტენიანი ფოთოლი არასრულად იწვის და გამოყოფილი კვამლი დიდი რაოდენობით ნახშირჟანგს შეიცავს.

გონიერი მომხმარებელი ყოველთვის...:

  • შეიძენს ენერგო ეფექტურ პროდუქციას.
  • არჩევს მხოლოდ იმ მოდელებს, რომელიც არ აბინძურებს გარემოს.
  • იყენებს ქსოვილის ჩანთას, პოლიეთინელის ცელოფნის ნაცვლად, რომლის გარემოში შეთვისებას სულ ცოტა ასი წელი სჭირდება.
  • იძენს ელემენტებს, რომლებიც იტენება.

სახლში:

  • დაზოგეთ ენერგია! ოთახიდან გასვლილას, ყოველთვის გამორთეთ განათება და სხვა ელექტრო მოწყობილობები.
  • დარგეთ ხეები სახლის ირგვლივ და გაიგრილეთ ზაფხულის ცხელი დღეები.
  • გარე განათებისთვის გამოიყენეთ მზის ენერგიაზე მომუშავე ნათურები, სენსორული ჩამრთველებით.
  • წყლის გამაცხელებელი დააყენეთ 49 °C ნაკლებ ტემპერატურაზე.
  • მხოლოდ აუცილებლობის შემთხვევაში ამობეჭდეთ ფურცელზე.